උතුරු කොරියානු නායක කිම් ජොංග් ප්‍රසිද්ධ ස්ථානයක දුම්පානය කරන අවස්ථාවක් පිළිබද උතුරු කොරියාවේ මෙන්ම ලෝකයේම අවධානය යොමු වී තිබේ. දුම්පානය විරෝධී ව්‍යාපාරයක් රට තුල ක්‍රියාත්මක වන අවධියේම ඔහු මෙලෙස ක්‍රියා කිරීම පිළිබඳ බොහෝ මිනිසුන් විරෝධය පල කරයි. ප්යොංයැං හි ළමා කඳවුරක සංචාරයක් අතරතුර ඔහුගේ දකුණු අතේ දුම්වැටියක් දැක්වෙන අවස්ථාවක් එරට රාජ්‍ය මාධ්‍ය ඔස්සේ විකාශනය විය. පුවත්පත් වාර්තා අනුව දුම්පානය කිරීම ඔහුගේ පුරුද්දක් වන අතර අළු බදුනක් සැමවිටම ඔහුගේ මේසය මත තිබෙන බව සදහන් වේ. කැමරාවට ඇති බිය නිසා ඔහු නිල රාජකාරි කටයුතු වලදී දුම්බීම නතර කර ඇති අතර පසු ගිය මාර්තු මස ද කිම් ප්‍රසිද්ධියේ දුම්පානය කිරීමක් වාර්තා විය. ඒ උතුරු කොරියානු රොකට් මෝටර් යන්ත්‍ර පුහුණුවක් අතරතුරදීය. ඔහුගේ පියා වන කිම් ජොංග්-ඉල් ද අධික ලෙස දුම්පානයට ඇබ්බැහි වී සිටි අයෙක් බවට වාර්තා වෙයි. රටේ උත්තරීතර නායකයා මෙලෙස ක්‍රියාකිරීම අසෝබන බවට එරට විචාරකයෝ පවසති ලෝක සෞඛ්‍ය සංවිධානය පවසන පරිදි උතුරු කොරියානු ජනගහනයෙන් හරි අඩක් 2012 වන විට දුම් පැනයට ඇබ්බැහි වී තිබේ. එය ආසියාවේ ඉහලම අගයන් වලින් එකක් බවට විචාරකයෝ පවසති.
No comments:
Post a Comment